Adrıano Chelentanonyń «egizi» Almatyda shoý kórsetedi
ALMATY. QazAqparat - Adrıano Chelentanonyń «egizi» Almatyda shoý kórsetedi, dep habarlaıdy QazAqparat tilshisi.
Trıbıýt shoý Almatyda 30 maýsymda Respýblıka saraıynda ótetin boldy.
Mundaı shoý janry qazaqstandyqtarǵa tańsyq bolsa da, álemde 30 jyldan beri ótkizilip keledi.
«Mundaı oqıǵa bizdiń elimizde birinshi ret bolyp otyr. Qazirgi tańda zamanaýı ózgeristerge beıimdelý mańyzdy. Bul erekshe shoý bolady. Ataqty ártistiń ózi ony qoldap otyr. Ázirge qoǵam qalaı qabyldary belgisiz. Óıtkeni ol naǵyz ártistiń ózi emes qoı. Bizdiń mentalıtetimiz basqasha. Biraq Maýrıtsıo Shveıtserdiń túr kelbeti ǵana emes, daýsy da, qımyl-qozǵalysy da Adrıano Chelentanoǵa uqsaıdy. Qazaqstandyqtardyń kóńilinen shyǵady dep oılaımyz», - dedi prodıýser Marlen Nurmaǵambetov.
Aıta ketý kerek, ártistiń «syńary» juldyzǵa uqsaý úshin eshqashan plastıkalyq ota jasatqan emes.
Stılıster tek shash úlgisin ǵana jasaǵan.
«Eń alǵashynda men ózim óner kórsetetinmin. Keıin kórermender menen Chelentanony suraı bastady. Olardyń arasynda Adrıanonyń ánderi úlken suranysqa ıe boldy. Sodan bastap men onyń ánderin oryndap, obrazyn somdap kelemin. Akter ózi meniń bul talpynysymdy qoldaıdy. Ekeýmizdiń aramyzda lıtsenzııalyq kelisim bar. Men Chelentanoǵa uqsaý úshin eshqashan quraldardy paıdalanyp kórgen emespin», - dedi Shveıtser.
Aıta ketý kerek, álemde trıbıýt-shoý ataqty ártisterge taǵzym retinde ótkiziledi.
Batysta Maıkl Djeksonnyń, Elvıs Preslıdiń, Madonnanyń trıbıýt shoýlary úlken suranysqa ıe.
