"Adrenalın" baıkklýbynyń músheleri aı men jerdiń arasyndaı qashyqtyqty 85 ret júrip ótti - Ásker Azızov
ALMATY. 25 shilde. QazAqparat /Erlik Erjanuly/ - Shymkenttegi "Adrenalın" baık klýby músheleriniń júrip ótken joldarynyń uzyndyǵy jyl saıyn 20 myń shaqyrymǵa uzaryp kele jatyr.
Bul jóninde klýb jetekshileriniń biri sanalatyn Ásker Azızov QazAqparat tilshisine bergen suhbatynda aıtty.
"Qazirgi baıkerlerdiń kózqarasy men dúnıetanymy múlde ózgeshe. Biz buryn oǵan sporttyń bir túri retinde qarap, beıbitshilikti nasıhattaý quraly dep túsinetinbiz. Búgingi jastar baıker bolýdy kóńil kóterý túri dep sanaýda. Sondyqtan da onymen kásibı túrde aınalysyp, halyqaralyq jáne qurlyqtyq deńgeıdegi jarystarǵa qatysyp, el namysyn qorǵaýǵa nemquraıdy qaraıtyndar kóbeıip bara jatyr", - deıdi Ásker Azızov. Onyń aıtýynsha, "Adrenalın" baıkklýbynyń baıyrǵy músheleri sońǵy 7 jylda aı men jerdiń arasyndaı qashyqtyqty 85 retten astam júrip ótti. Oǵan olardyń 2004 jyly túsken sýretteriniń tusyna jazylǵan kórsetkish dálel bola alady.
