«Ádón» ustaldy - QR ІІM
ASTANA. QazAqparat - Qylmys áleminde «Ádón» laqap atymen tanymal qylmystyq top múshesi ustaldy. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
«Keshe Qyzylorda oblystyq ІІD Uıymdasqan qylmyspen kúres basqarmasynyń qyzmetkerleri Almaty oblysy aýmaǵynan izdeýde júrgen Qyzylorda qalasynyń turǵyny Ádilet Serikbaevty ustady. Polıtsııanyń jedel málimetterine sáıkes, uıymdasqan qylmystyq toptyń múshesi qylmys áleminde «Ádón» laqap atymen de tanymal», - dedi Almas Sadýbaev.
Sonymen qatar onyń aıtýynsha, elordalyq polıtsııa qyzmetkerleriniń úılesimdi jumysynyń arqasynda qaladaǵy gúl satatyn dúkender jelisine qaraqshylyq shabýyl jasap, satýshylardyń aqshalaryn tartyp alyp ketken jergilikti turǵyn ustalǵan. Kúdikti ýaqytsha ustaý oqshaýlaǵyshyna qamaldy.
«Taldyqorǵanda da Almaty oblysynyń eki turǵyny ustaldy. Olar Almaty qalasynda qaraqshylyq shabýyldy kásip etken», - dedi Almas Sadýbaev.
