«Admıral» - «Barys» kezdesýin qaıdan kórýge bolady
NUR-SULTAN. QazAqparat - Búgin elordalyq «Barys» qurlyqtyq hokkeı lıgasyndaǵy kezekti kezdesýinde Reseıdiń «Admıral» komandasymen oınaıdy, dep habarlaıdy QazAqparat tilshisi.
«Admıral» men «Barys» arasyndaǵy kezdesý elorda ýaqytymen 13.00-de bastalady. Oıyn «Qazsport» telearnasynan tikeleı efırde kórsetiledi.
Vladıvostok qalasynda ótetin kezdesý eki komanda úshin mańyzy zor dep aıtýǵa bolmas. Óıtkeni, «Barys» pleı-off kezeńine beriletin joldama taǵdyryn sheship qoıdy. Al «Admıral» jarystyń bul satysynan shet qaldy.
Búgingi kúnge deıin eki komanda 21 márte kezdesti. Onyń 9-y «Barystyń» jeńisimen aıaqtaldy. Qalǵanynda qarsylasyna ese jiberdi. Aıta keterligi, sońǵy tórt kezdesýde elordalyq klýb atalǵan qarsylasyn jeńe almaı keledi. Sondyqtan búgin elordalyq klýb jeńiske jetý jolyn izdeıtini anyq.
Esterińizge sala ketelik, qazir «Barys» qurlyqtyq hokkeı lıgasy turaqty kezeńindegi jalpy týrnır kestesinde 82 upaımen altynshy orynda tur. Pleı-off kezeńine beriletin joldamaǵa birneshe týr buryn qol jetkizip qoıdy. Al «Admıral» 20-orynda keledi.
Aıta keterligi, «Admıral» sońǵy jeti kezdesýdiń altaýynda qarsylastaryna ese jiberip qoıdy. Qýanarlyǵy, «Barys» sońǵy segiz oıynnyń jetýinde qarsylastaryn qapy qaldyrdy. Sońǵy týrda elordada Reseıdiń «Salavat ıÝlaev» (Ýfa) komandasynan basym tústi.
