Ádiljan Arǵynov Qarqaraly aýdanynyń ákimi qyzmetine taǵaıyndaldy
Bul laýazymǵa osy taǵaıyndaýǵa deıin Qarqaraly aýdany ákiminiń orynbasary qyzmetin atqarǵan Ádiljan Arǵynov taǵaıyndaldy, dep habarlaıdy Kazinform agenttiginiń tilshisi.
Onyń kandıdatýrasy Prezıdent Ákimshiligimen jáne aýdandyq máslıhat depýtattarymen kelisildi.
Qaraǵandy oblysy ákiminiń orynbasary Baýyrjan Asanov aýdandyq máslıhattyń kezekten tys sessııasyna qatysyp, ákim laýazymyna kandıdatýrasyn usyndy. Depýtattar ony qoldady.
Ádiljan Arǵynov eńbek jolyn 2007 jyly Qarqaraly qalasyndaǵy orta mektep muǵalimi bolyp bastaǵan.
2013 jyldan bastap memlekettik qyzmette. Qaraǵandy oblysy Aýyl sharýashylyǵy basqarmasynyń bas mamany bolyp jumys istedi.
2015 jyldan 2022 jylǵa deıin Qazaqstan Respýblıkasy Ulttyq ekonomıka mınıstrliginde sarapshydan shaǵyn jáne monoqalalardy damytý basqarmasynyń basshysyna deıingi jol ótti.
2022 jyldyń shildesinen bastap osy taǵaıyndaýǵa deıin Qarqaraly aýdany ákiminiń orynbasary bolyp jumys istedi.
