Ádiletti Qazaqstanda ár azamattyń jan-jaqty damýyna múmkindik bolady – Toqaev
Ádiletti Qazaqstanda ár azamattyń jan-jaqty damýyna múmkindik bolady. Bul týraly «Digital Bridge 2023» halyqaralyq tehnologııalyq forýmynda Memleket basshysy Qasym-Jomart Toqaev aıtty, dep habarlaıdy Kazinform.
«Qazir biz saıası júıeni túbegeıli jańǵyrtyp jatyrmyz. Bilim men jańa tehnologııany negizge alatyn ekonomıka qura bastadyq. Ádiletti Qazaqstanda ár azamattyń jan-jaqty damýyna múmkindik bolady. Sondaı-aq halyqtyń ál-aýqatyn jaqsartýǵa basa mán beremiz. Biz tsıfrlyq nomadtardyń, ıaǵnı myqty ІT-mamandardyń Qazaqstanǵa kelip, jumys isteýine barynsha qolaıly jaǵdaı jasaımyz. Innovatsııalyq kásipkerlikti jáne kreatıvti ındýstrııany damytamyz. Jalpy, jahandyq tehnologııalyq revolıýtsııa barlyq eldiń órkendeýine, adamdardyń damyǵan jáne ádiletti álemde ómir súrýine septigin tıgizýi kerek», - dedi Prezıdent.
