Ádilet Sheri taekvondodan jastar arasyndaǵy álem chempıonatynda júldeger atandy
ALMATY. KAZINFORM – Ádilet Sheri taekvondodan (WT) jastar arasyndaǵy álem chempıonatynda qola júlde enshiledi.
Tashkent qalasynda ótip jatqan taekvondodan (WT) jastar arasyndaǵy álem chempıonatynda Qazaqstan quramasynyń qorjyny taǵy bir júldemen tolyqty.
Sportty damytý dırektsııasy málimetinshe, 51 kelige deıingi salmaq dárejesinde synǵa túsken Ádilet Sheri jarystyń sońǵy kúninde qola júldege qol jetkizdi. Ol jartylaı fınalda Týnıs sportshysy Malek Makronıge qarsy óner kórsetti.
Aıta keteıik, alty kúnge sozylǵan álemdik dodada Aıym Serikbaeva chempıon atansa, Erasyl Erzat, Islam Medetbaı, Alıdar Abdýkarımov jáne Ádilet Sheri qola júldege ıe boldy.
Tashkenttegi dúbirli dodaǵa 119 elden 1000-ǵa jýyq jas sportshy qatysyp jatyr.
Aıta keteıik, dzıýdodan Qytaıdyń Ordos qalasynda Azııa chempıonatynyń ekinshi kúni máresine jetti. Ádilet Almat Azııa chempıony atandy.
