«Ádilet» partııasynyń tóraǵasy Aıbek Dádebaı tarıhı Quryltaı saılaýynda daýys berdi
ASTANA. KAZINFORM — Ol azamattardyń saılaýǵa qatysýy jáne azamattyq jaýapkershilik tanytýy asa mańyzdy ekenin atap ótti.
Bıylǵy saılaý naýqany 2026 jyly 15 naýryzda Konstıtýtsııa qabyldanǵannan keıin alǵash ret ótip jatyr. Konstıtýtsııalyq reformaǵa sáıkes, Qazaqstan Parlamenttiń eki palataly qurylymynan bir palataly zań shyǵarýshy organ – Quryltaıǵa ótti.
Búgin qazaqstandyqtar alǵash ret Quryltaı depýtattaryn partııalyq tizim boıynsha saılap jatyr.
Búgin elimizde tarıhı Quryltaı saılaýy ótip jatyr. Onda 145 depýtattyq mandatqa jeti partııadan 545 kandıdat tirkelgen.
Daýys berý 10 423 saılaý ýchaskesinde ótedi.
Eske salsaq, bıyl 1 shildede Memleket basshysy «Qazaqstan Respýblıkasy Quryltaıynyń saılaýyn taǵaıyndaý týraly» Jarlyqqa qol qoıdy.
