«Ádilet» partııasy Túrkistan oblysynyń ulttyq sporttaǵy ókilderimen kezdesti
Búgin Túrkistan oblysyn saparlap júrgen «Ádilet» partııasy respýblıkalyq saılaýaldy shtabynyń ókilderi aımaqtaǵy ulttyq sport túrleri boıynsha sportshylarymen jáne jattyqtyrýshylarymen kezdesip, olarmen erkin formatta pikir almasty.
Aldymen sóz alǵan Quryltaı depýtattaǵyna kandıdat Janarbek Áshimjan «Ádilet» partııasynyń saılaýaldy baǵdarlamasyna toqtaldy.
Sonyń ishinde, ol bilim berý, jol, aýyldy damytý sııaqty máseleler týraly aıta kele, búgingi kezdesýdiń basty taqyryby – ulttyq sporttyń jaı-kúıine erekshe mán berdi.
-Osyǵan deıin ulttyq sporttyń 11 túri kóbine demeýshilerge arqa súıep kelgen. Endi zańnamalyq ózgeristerge saı, olımpıadalyq sport túrleri ǵana emes, ulttyq sporttyń 11 túri de memleketten qarjy alady. Kásibı klýbtar ǵana emes, ulttyq ımmýnıteti – ulttyq sportqa, ıaǵnı, kez kelgen qazaqtyń qara domalaq balasy qazaqtyń janyna, tánine, qazaqtyń jaýyngerligine, órkenıetke bastyratyn ulttyq sportqa qatysa alady, - dedi Janarbek Áshimjan.
Ol Qazaqstannyń ulttyq sportshylary dástúrli «Kóshpendiler oıynynda» únemi birinshi oryn alatynyn, bul, óz kezeginde elimizde ulttyq sporttyń qanshalyqty damyp jatqanyn kórsetedi deıdi.
-Sizderdiń aldaryńyzǵa talaı saıasatkerler keler, biraq, «Ádilet» partııasynyń baǵdarlamasy qur ýádeniń emes, mamandarmen talqylanǵan, esep-qısaby jasalǵan qujat, - dedi sózin túıindegen ol.
Al, partııa tóraǵasy Aıbek Dádebaı kezdesýde aıtylǵan árbir máseleni partııa óz qaperine alyp, aldaǵy jumysynda eskeretinin aıtty.
-Búgingi kezdesýge arnaıy kelip otyrǵandaryńyz úshin raqmet. Búgin óte jaqsy syndarly usynystar aıttyńyzdar. Biz estidik, ony aldaǵy jumysymyzda eskeremiz, múmkindiginshe qoldaımyz, - dedi Aıbek Dádebaı.
Aıta keteıik, «Ádilet» partııasy respýblıkalyq saılaýaldy úgit-nasıhat jumysyn Túrkistan oblysynan bastady. Búgin kandıdattar oblystyń jurtshylyǵymen, qolónershilerimen jáne kásipkerlerimen kezdesti.
Daıyndaǵan:
«Ádilet» partııasynyń baspasóz qyzmeti.
«Ádilet» partııasy» QB saılaý qorynyń qarajaty esebinen tólendi.
Tapsyrys berýshi: N.T. Myńjasarov.
