«Ádilet» partııasy týraly jalǵan aqparat taratqandarǵa qatysty tergeý bastaldy
ASTANA. KAZINFORM — 4 tamyzda jekelegen buqaralyq aqparat quraldarynda «Ádilet» saıası partııasynyń qyzmetindegi tekserý nátıjeleri men anyqtalǵan buzýshylyqtar týraly Bas prokýratýranyń baspasóz habarlamasy jarııalandy.
Bul kórineý jalǵan aqparat, Bas prokýratýra mundaı sıpattaǵy habarlamany jarııalamaǵan, tekserý júrgizbegen.
Kórineý jalǵan aqparat taratý faktisi boıynsha Qazaqstan Respýblıkasy Qylmystyq kodeksiniń 274-baby 2-bóliginiń
3-tarmaǵy boıynsha sotqa deıingi tergep-tekserý bastaldy.
— «Mass-medıa týraly» jáne «Onlaın-platformalar jáne onlaın-jarnama týraly» zańdaryna sáıkes jýrnalıster men onlaın-platformalardy paıdalanýshylar aqparattyń anyqtyǵyn tekserýge jáne ol jalǵan ári quqyqqa qaıshy bolǵan jaǵdaıda ony taratpaýǵa mindetti, — delingen habarlamada.
Osyǵan baılanysty Bas prokýratýra zańnamany saqtaýǵa, jalǵan jáne quqyqqa qaıshy aqparat taratpaýǵa, vedomstvolyq ınternet-resýrsta ornalastyrylǵan Bas prokýratýranyń tek resmı habarlamalaryna senýge shaqyrady.
Aıta ketelik jalǵan aqparatqa qarsy ortalyq jarty jylda 68 feıkti joqqa shyǵardy.
