«Ádilet» partııasynda múshelik jarnanyń kólemi aıqyndaldy
ASTANA. KAZINFORM — «Ádilet» partııasynyń kezekten tys III sezinde jańa Konstıtýtsııaǵa baılanysty Jarǵyǵa engizilgen ózgerister jáne partııaǵa múshelik jarnasy bekitildi.
Jalpy, Jarǵydaǵy 40 erejege ózgerister engizildi. Olar ózara baılanysty úsh bólimge toptastyrylǵan. Alǵashqysy Jarǵyny jańa Konstıtýtsııaǵa jáne qazirgi zańnamaǵa sáıkestendirýge arnalǵan.
Ekinshisi partııanyń ishki basqarý júıesin jetildirýdi qarastyrady. Onda basqarýshy organdardyń quziretteri naqty belgilengen, sondaı-aq, zamanaýı jáne tıimdi uıymdastyrý mehanızmderi engizilgen.
Úshinshi bólim qujatty redaktsııalyq jáne júıeli túrde túzeýge baǵyttalǵan.
Sonymen qatar, sezd delegattary múshelik jarnany bekitti. Jumys isteıtin azamattar úshin aılyq jarna 0,1 AEK deńgeıinde bolsa, al stýdentterge — 0,01 AEK.
Zeınetkerler, múgedektigi bar kisiler, bala kútimine baılanysty demalystaǵy ata-analar jáne múgedektigi bar balalardyń zańdy ókilderi múshelik jarnany tóleýden tolyqtaı bosatylady.
Aıta keteıik, buǵan deıin «Ádilet» partııasy Quryltaı saılaýyna qatysatyn 186 kandıdatty bekitkenin jazǵanbyz.
