«Ádilet» partııasy Quryltaı saılaýyna qatysty málimdeme jasady
ASTANA. KAZINFORM — «Ádilet» partııasy aldaǵy Quryltaı saılaýyna qatysýǵa tolyqtaı daıyn ekenin málim etti.
QR memlekettik jáne saıası qaıratkeri, «Ádilet» partııasynyń tóraǵasy Aıbek Dádebaı saılaýǵa naqty baǵdarlamamen, kásibı komandamen jáne azamattar aldyndaǵy jaýapkershilikti tereń sezine otyryp qatysatynyn aıtty.
— Biz bul saılaýdy jańa Konstıtýtsııany iske asyrýdyń jáne Qazaqstandaǵy demokratııalyq ınstıtýttardy odan ári nyǵaıtýdyń mańyzdy kezeńi dep sanaımyz. Partııamyz saılaýǵa naqty baǵdarlamamen, kásibı komandamen jáne azamattar aldyndaǵy jaýapkershilikti tereń sezine otyryp qatysady. Baǵdarlamamyz ádildik, zań ústemdigi, jaýapkershilik, patrıotızm jáne damý qundylyqtaryna negizdelgen. Biz zań talaptaryn qatań saqtaı otyryp, azamattardyń erkin tańdaý quqyǵyn qurmetteıtin adal, ashyq ári básekege toly saıası dodaǵa daıynbyz, — dedi Dádebaı.
Sonymen qatar, ol partııanyń basty maqsattaryna toqtaldy.
— Basty maqsatymyz — Ádiletti Qazaqstandy nyǵaıtýǵa baǵyttalǵan naqty bastamalardy júzege asyrý úshin qoǵamnyń senimine ıe bolý. Ashyq saıası báseke, qoǵam aldyndaǵy jaýapkershilik jáne Konstıtýtsııaǵa qurmet — elimizdiń tabysty damýynyń basty kepili ekenine senimdimin. Biz bul jaýapty iske ázirmiz ári onyń nátıjesi úshin jaýapkershilik alýǵa daıynbyz. Ádiletti Qazaqstandy birge quraıyq! — dep túıindedi partııa tóraǵasy.
Osydan buryn «Ádilet» partııasy jańa Konstıtýtsııaǵa baılanysty málimdeme qabyldaǵanyn jazǵan edik.
