«Ádilet» partııasy Quryltaı depýtatynyń bos mandatyna kandıdatýra usyndy
ASTANA. KAZINFORM — «Ádilet» partııasy Saıası keńesi bıýrosynyń sheshimimen partııalyq tizim boıynsha Quryltaı depýtatynyń bos mandaty Gúlnár Toılybaevaǵa beriletin boldy.
Tatıana Savelevanyń depýtattyq ókileti merziminen buryn toqtaǵandyqtan, mandat bos qalǵan edi.
Partııanyń baspasóz qyzmetiniń málimetinshe, Gúlnár Toılybaeva memlekettik organdar men partııa qurylymdarynda uzaq jyldan beri qyzmet etken. Buǵan deıin oblystyq máslıhattyń hatshysy jáne tóraǵasy qyzmetterin atqarǵan. Qazirgi ýaqytta Jetisý oblysy ákiminiń keńesshisi.
Partııa Saıası keńesi bıýrosynyń tıisti qaýlysy Qazaqstan Respýblıkasynyń Ortalyq saılaý komıssııasyna joldandy.
Eske salaıyq, 2026 jylǵy 7 qazanda Quryltaı depýtaty Tatıana Savelevanyń ókileti merziminen buryn toqtatylǵanyn habarlaǵan edik. Artynsha Tatıana Saveleva Qorǵanys mınıstriniń orynbasary bolyp taǵaıyndaldy.
