«Ádilet» partııasy qaza tapqan áskerı qyzmetshilerdiń otbasylaryna 1,5 mlrd teńge aýdarady
ASTANA. KAZINFORM — «Ádilet» partııasynyń músheleri men partııa Іskerlik keńesiniń ókilderi Mańǵystaý oblysyndaǵy oqý-jattyǵý kezinde qaza tapqan jáne zardap shekken áskerı qyzmetshilerdiń otbasylaryna kómek kórsetý úshin 1 mlrd 500 mln teńge jınady. Bul týraly saıası partııanyń baspasóz qyzmeti málim etti.
— Barlyq jarna erikti túrde berildi. Atap aıtqanda, Respýblıkalyq taý-ken jáne metallýrgııa kásiporyndary qaýymdastyǵynyń atqarýshy dırektory Nıkolaı Radostovets 600 mln teńge aýdardy. «Alageum Group» AQ Dırektorlar keńesiniń tóraǵasy Erkebulan Іlııasov pen «VD-Stroı Injınırıng» JShS Baqylaý keńesiniń tóraǵasy Erkin Oqasov 300 mln teńgeden kómek kórsetti. Sondaı-aq Elbegi Ábdıev, Qanat Ibraev, Murat Ámirın, ıÝlııa ıAkýpbaeva, Serik Amanǵalıev jáne Talǵat Temirhanov 50 mln teńgeden berdi, — delingen habarlamada.
Olardyń barlyǵy – «Ádilet» partııasy men Іskerlik keńestiń músheleri. Qarajat jınaýǵa partııanyń basqa da músheleri atsalysyp jatyr. Jınalǵan qarjy qaza tapqan jáne zardap shekken áskerı qyzmetshilerdiń otbasylaryna kómek kórsetý úshin «Ulttyq rýh» qoryna aýdarylady. Qarajat jınaý jalǵasady. «Ádilet» partııasynyń músheleri Mańǵystaý oblysyndaǵy oqý-jattyǵý kezinde qaza tapqan áskerı qyzmetshilerdiń otbasy men jaqyndaryna qaıǵyra kóńil aıtady. Zardap shekkenderdiń tezirek saýyǵyp ketýine tilektestik bildiredi.
Aıta keteıik, Halyq Keńesi músheleri qaza tapqan áskerılerdiń otbasylaryna 815 mln teńge bólgen edi.
