«Ádilet» partııasy kandıdattardyń partııalyq tizimin tirkeý úshin OSK-ǵa qujat tapsyrdy
ASTANA. KAZINFORM — «Ádilet» partııasy Quryltaı depýtattyǵyna kandıdattardyń partııalyq tizimin tirkeý úshin QR Ortalyq saılaý komıssııasyna qujat tapsyrdy.
Partııanyń málimetinshe, tizimge 186 adam engizildi. Olardyń qatarynda elimizdiń barlyq óńiriniń ókilderi, túrli kásibı qaýymdastyqtar men qoǵamdyq salanyń músheleri bar.
«Ádilet» partııasy ashyqtyq, zańdylyq jáne demokratııalyq rásimderdi qurmetteý qaǵıdattaryn basshylyqqa ala otyryp, saılaý protsesiniń barlyq kezeńine qatysatynyn málimdedi.
Buǵan deıin «Ádilet» partııasynyń kezekten tys III sezinde jańa Konstıtýtsııaǵa baılanysty Jarǵyǵa engizilgen ózgerister jáne partııaǵa múshelik jarnasy bekitildi.
Aıta keteıik, munyń aldynda «Ádilet» partııasy Quryltaı saılaýyna qatysatyn 186 kandıdatty bekitkenin jazǵanbyz.
Eske salaıyq, 1 shildede Qazaqstan Prezıdenti Qasym-Jomart Toqaev Quryltaı saılaýyn ótkizý týraly jarlyqqa qol qoıdy.
