«Ádilet» partııasy AMANAT partııasynyń basshylyǵy men múshelerine alǵys aıtty
ASTANA. KAZINFORM - «Ádilet» partııasy AMANAT partııasynyń basshylyǵy men múshelerine óz partııasy quramyna qosylý týraly qabyldaǵan sheshimi úshin shynaıy alǵys aıtady, delingen partııa jarııalaǵan habarlamada.
-Biz bul sheshimdi mańyzdy ári jaýapty qadam dep sanaımyz. Ári ony Memleket basshysy Qasym-Jomart Toqaevtyń Ádiletti Qazaqstandy qurýǵa jáne azamattardyń múddesine saı júıeli reformalardy júzege asyrýǵa baǵyttalǵan saıasatyn qoldaý dep qabyldaımyz. Búginde aldymyzda halyqtyń ıgiligi úshin eńbek etý, azamattardyń ómir sapasyn arttyrýǵa yqpal etý, zań ústemdigi men ádilettilikti nyǵaıtý, eldegi oń ózgeristerdi qoldaý syndy ortaq maqsat tur. «Ádilet» partııasy jaýapkershilik, adal eńbek jáne Qazaqstannyń damý jolyndaǵy qundylyqtaryn qoldaıtyn barsha azamatqa ashyq. Biz birge halyqtyń ál-aýqatyn arttyrýǵa jáne memlekettiń turaqty damýyna baǵyttalǵan bastamalardy ilgeriletý jumysyn jalǵastyramyz,-delingen «Ádilet» partııasy jarııalaǵan habarlamada.
Osyǵan deıin «AMANAT» partııasynyń «Ádiletke» qosylatyny týraly jazdyq.
