Ádilet mınıstrligi «Tsıfrlyq atqarýshylyq jazba» pılottyq jobasyn iske qosty

ASTANA. KAZINFORM – Ádilet mınıstrligi azamattardyń quqyqtaryn qorǵaýǵa jáne notarıýstardyń atqarýshylyq jazbalar jasaǵan kezde belgilengen talaptardy saqtaýyn qamtamasyz etýge baǵyttalǵan «Tsıfrlyq atqarýshylyq jazba» pılottyq jobasyn iske qosty.

Jobanyń negizgi jańashyldyqtary:

• Qarsylyq bildirý protsesin tsıfrlandyrý. Boryshkerler atqarýshylyq jazbaǵa «Mobıldi úkimet» aqparattyq júıesi arqyly ózderiniń jeke kabıneti arqyly onlaın túrde daý aıta alady.
• Protsedýralardy avtomattandyrý. Qarsylyqtar elektrondyq tsıfrlyq qoltańbany (ETsQ) paıdalaný arqyly elektrondy formatta beriledi.
• Aýmaqtyq prıntsıpti saqtaý. Júıe notarıaldyq áreketterdiń aýmaqtyq baılanysyn eskere otyryp rettelgen.
• Óndirip alýdyń ashyqtyǵy men zańdylyǵy.

- Jańa mehanızm atqarýshylyq jazbalardyń zańdylyǵyn baqylaýdy qamtamasyz etedi jáne azamattar men uıymdardyń notarıaldyq qyzmetterge tsıfrlyq formatta qoljetimdiligin jeńildetedi, - delingen aqparatta.

Pılottyq joba 2025 jyldyń 31 jeltoqsanyna deıin jumys isteıdi.

Buǵan deıin elimizde notarıýs qyzmeti qansha turatynyn jazǵanbyz.