Ádilet mınıstrligi Ata zań kúnin atap ótý datasy qaı jaǵdaıda ózgeretinin túsindirdi

ASTANA. KAZINFORM – Ádilet mınıstri Erlan Sársembaev elde Konstıtýtsııa kúnin atap ótý datasy qaı jaǵdaıda ózgeretinin túsindirdi.

Jańa Ata zań jobasynda respýblıkalyq referendýmda (15 naýryz) Konstıtýtsııa qabyldanǵan kún memlekettik mereke — Qazaqstan Respýblıkasynyń Konstıtýtsııasy kúni dep jarııalanýy múmkin ekeni atalyp ótken. Bul norma jańa Konstıtýtsııa jobasynyń 94-babynda jazylǵan.

- Halyq Ata zańnyń jańa redaktsııasyn qoldap daýys berse, onda 15 naýryz Konstıtýtsııa kúni bolady. Osydan keıin buǵan deıingi data – 30 tamyzdaǵy merekeniń kúshi joıylady. Sondyqtan 15 naýryzdaǵy halyqtyń sheshimine qaraı kelesi qadamdar jasalady, - dedi E. Sársembaev Parlament Májilisinde tilshiler suraǵyna jaýap bere otyryp.

Atap aıtqanda, Memleket basshysy 2026 jylǵy 15 naýryzda respýblıkalyq referendým ótkizý týraly Jarlyqqa qol qoıdy.

Jaqynda Senat tóraǵasy Máýlen Áshimbaev Konstıtýtsııa kúniniń ózgerýine qatysty pikir aıtty.