Ádilet mınıstri zorlyq-zombylyqqa qarsy petıtsııa qandaı tártipte qaralýy múmkin ekenin aıtty

Ádilet mınıstri Azamat Esqaraev petıtsııa jarııalanatyn jańa platformaǵa qatysty túsinik berdi, dep habarlaıdy Kazinform.

«Jańa zań kúshine endi. Endi sol boıynsha jumys isteıtin jańa platforma jaqyn arada daıyn bolady dep senemin. Osy oraıda jańa zańǵa sáıkes bul platformada qaıtadan petıtsııaǵa (otbasyndaǵy zorlyq-zombylyqtan qorǵaý týraly) qol qoıyp, jiberýge bolady. Buǵan deıingi 2021 jylǵy eski platformada biraz daýys jınalǵanyn jaqsy bilemin. Biraq ol jańa onlaın-platforma negizinde jáne qabyldanǵan zańǵa sáıkes jasalmaǵanyn eskerý kerek. Biz quqyqtyq memlekette ómir súrip jatyrmyz, sondyqan zańdy basshylyqqa alýymyz kerek dep esepteımin», - dedi A. Esqaraev Májiliste tilshiler suraǵyna jaýap bere otyryp.

Onyń sózine qaraǵanda, turmystaǵy zorlyq-zombylyqqa qarsy petıtsııa jańa platformada qaıtadan daýys jınasa, ondaǵy másele qaralady.

Budan buryn habarlanǵandaı, otbasyndaǵy jáne turmystaǵy zorlyq-zombylyqtan qorǵaý týraly petıtsııaǵa 150 myńǵa jýyq qazaqstandyq qol qoıdy.