Ádilet mınıstri: Nekesin tek meshitte qıǵysy keletin erler neden qorqady

Ádilet mınıstri Azamat Esqaraev nekeni meshitte ǵana qııýdyń saldary týraly pikir bildirdi, dep habarlaıdy Kazinform.

«Meshitterdi AHAJ (Azamattyq hal aktileriniń jazbasy) organdarynyń tirkeýinsiz neke qımaýǵa zań júzinde mindettemeısizder me?», – dep surady BAQ ókili.

Mınıstrdiń aıtýynsha, ondaı talap qazirdiń ózinde bar.

«Meniń bilýimshe, negizinen ondaı talap bar. ıAǵnı, meshitte neke qııý úshin barǵan juptardan aldyn ala AHAJ kýáligin suraıdy. Sondyqtan, meshitter osy qujatty talap etý kerek jáne zańdy túrde neke qıylǵannan keıin ǵana meshitte neke qııýǵa bolady», – dedi vedomstvo basshysy.

Azamat Esqaraev kezinde ózi úılengen kezde de osylaı áreket etkenin aıtty.

«Mysaly, ózimiz de kezinde úılengen kezde solaı isteıtin edik. Aldymen, AHAJ oryndarynda neke qıyp, sosyn meshitke kiretinbiz», – dedi mınıstr.

Sondaı-aq ol keleshek qalyńdyqtarǵa nekeni AHAJ-ǵa barmaı-aq, meshitte ǵana qııýdy talap etetin er-azamaty týraly kóbirek oılanýǵa keńes berdi.

«Nekege turǵan qyzdardyń quqyǵy memleket bekitken tártippen qorǵalýy kerek. Osy turǵydan alǵanda, eger adam zańda bekitilgen tártippen neke qımasa, belgili biraq suraq týyndaıdy, siz aıtyp otyrǵan táýekelder de bolýy múmkin. Qyzdar ózin qorǵalǵanbyz dep sezingisi kelse, qarym-qatynasyn bekitilgen tártippen tirkegeni durys. Eger AHAJ-ǵa barýdan bas tartsa, qyzdar bul máseleni birden túsiný kerek. «Adam nege sizben tirkelgisi kelmeıdi?» degen suraq týyndaıdy. Kimnen, neden qorqady?», - dedi Ádilet mınıstri.