Ádilet mınıstri «Aıka tizimi» men jeke derekter týraly pikir bildirdi

Jeke derekterdi jarııalaýǵa baılanysty jaýapkershilikti kúsheıtý máselesin qarastyrýǵa bolady. Bul týraly QR Ádilet mınıstri Azamat Esqaraev aıtty, dep habarlaıdy Kazinform.

«Іshki ister organdary rezonans týdyrǵan isterde qazaqstandyqtardyń jeke deregin jarııalap jiberedi. Mysaly, qoǵamda qyzý talqylanǵan «Aıkanyń tizimin» alaıyqshy. Onda «qyzdar» men «klıentterdiń» derekteri jarııalandy. Mundaı jaǵdaı jıi bolyp turady. Mundaı jaǵdaıda ne isteýge bolady? Sebebi, munyń saldaryn qazaqstandyqtar tartyp otyr. Sizdiń oıyńyzsha, mundaı qyzmet túrin zańdastyrý bola ma?», - dep surady tilshiler Úkimet úıinde ótken brıfıngte.

Óz jaýabynda Ádilet mınıstri bul jaǵdaı Іshki ister organdarynyń quziretine kiretinin atap ótti.

«Meniń bilýimshe, BAQ-ta bul jóninde tıisti tekseris júrip jatqany jarııalandy. Demek, tekseristiń qorytyndysyn kútý kerek. Endi (jezókshelikti – red.) zańdastyrýǵa qatysty – mundaı máseleni qarastyryp jatqan joqpyz», - dep jaýap berdi A. Esqaraev.

Sonymen birge, jýrnalıst jeke derekterdi jarııalaýǵa baılanysty jaýapkershilikti kúsheıtý qajet pe degen suraq qoıdy.

«Meniń túsinýimshe, ishki ister mınıstrligi tıisti tekseris júrgizip jatsa, olar da bul máselege alańdaýshylyq tanynyp otyr. Jazany kúsheıtý boıynsha máseleni zerdeleý kerek shyǵar. Bul máseleni qarastyrýǵa bolady», - dedi ol.