Ádilet Qojanbaev Semeı qalasynyń jańa ákimi bolyp saılandy
SEMEI. KAZINFORM — Semeıde qalanyń tarıhynda alǵash ret ákimniń tikeleı saılaýy ótti. Onyń qorytyndysy boıynsha Ádilet Qojanbaev Semeı qalasynyń ákimi bolyp saılandy.
Aýmaqtyq saılaý komıssııasynyń derekteri boıynsha, Ádilet Qojanbaev 77,1% daýys jınap, óz qarsylastarynan senimdi túrde ozyp shyqty.
– Saılaý barlyq belgilengen rásimdi saqtaı otyryp, ashyq jáne tynysh jaǵdaıda ótti. Saılaýshylardyń belsendiligi joǵary boldy, bul azamattardyń tikeleı saılaý júıesine degen senimin kórsetedi, – dedi Semeı qalalyq aýmaqtyq saılaý komıssııasynda.
Qalǵan úmitkerlerdiń ishinde Qanysh Tóleýov 10,8%, Aıbolat Bekjasarov 8,4% daýys jınady. Taǵy 3,7% saılaýshy «bárine qarsy» degen tańdaýdy belgilegen.
Aıta ketelik 12 qazan kúni Semeı qalasy ákiminiń saılaýy bolǵan edi.
Ádilet Qojanbaev 1980 jyly 1 qańtarda dúnıege kelgen. Týǵan jeri: Semeı oblysy, Kókpekti aýdany, Bıǵash aýyly.
Bilimi
2005 jyly — Almaty qalasy, «Turan» ýnıversıteti, mamandyq «Býhgalterlik esep jáne aýdıt»
2012 jyly — Almaty qalasy, Turan ýnıversıteti, mamandyq «Quqyqtaný»
2021 jyl — «Reseı Federatsııasy Prezıdentiniń janyndaǵy Reseı halyq sharýashylyǵy jáne memlekettik basqarý akademııasy» joǵary bilim beretin federaldyq memlekettik bıýdjettik bilim berý mekemesi, mamandyq «Evromenedjment-basshylar úshin iskerlik ákimshilendirý sheberi».
Eńbek joly
01.08.2000 — 16.04.2001 Kredıttik jumysshy, «Kramdsbank» AQ Semeı fılıaly, Semeı qalasy
10.08.2001 — 29.01.2002 BEK-ofıs mamany, AAQ «BTA Ipoteka», Almaty qalasy
29.01.2002 — 06.02.2004 Bólim basshysy, «BTA Ipoteka» AAQ-nyń kepildi protsessıngileý jáne monıtorıngileý bólimi, Almaty qalasy
06.02.2004 — 05.01.2005 Basqarma bastyǵy, «BTA Ipoteka» AAQ-nyń kredıtterdi súıemeldeý jáne monıtorıngileý basqarmasy, Almaty qalasy
05.01.2005 — 02.03.2009 Basqarma bastyǵy, «BTA Ipoteka» AAQ-nyń kredıttik basqarmasy, Almaty qalasy 02.03.2009 — 04.01.2012 basqarma bastyǵy, «BTA Ipoteka» AAQ-nyń kredıtten keıingi qyzmet kórsetý basqarmasy, Almaty qalasy
04.01.2012 — 21.02.2013 Atqarýshy dırektor, «BTA Ipoteka» AQ, Almaty qalasy
25.02.2013 — 06.03.2013 Basqarma tóraǵasynyń keńesshisi, «Temirbank» AQ, Almaty qalasy
06.03.2013 — 06.01.2014 Fılıal dırektory, «Temirbank» AQ-nyń Semeı qalasyndaǵy fılıaly, Semeı qalasy 18.02.2014 — 18.02.2016 operatsııalyq departamenttiń dırektory, «Qazaqstannyń turǵyn úı qurylys jınaq banki» AQ, Almaty qalasy
18.02.2016 — 13.02.2017 Basqarma tóraǵasynyń orynbasary, «Qazaqstannyń turǵyn úı qurylys jınaq banki» AQ, Almaty qalasy
13.02.2017 — 09.06.2021 Basqarma tóraǵasynyń orynbasary, «Qazaqstannyń turǵyn úı qurylys jınaq banki» AQ, Almaty qalasy
10.06.2021 — 29.04.2022 Bas dırektor, «Qazaqtelekom» AQ-nyń fılıalynyń Qyzmet kórsetý fabrıkasy, Almaty qalasy
07.07.2022 — 11.08.2022 Abaı oblysynyń qarjy basqarmasy basshysynyń mindetin ýaqytsha atqarýshy, Semeı qalasy
12.08.2022 — 20.10.2022 Abaı oblysy qarjy basqarmasynyń basshysynyń m. a., Semeı qalasy
20.10.2022 — 01.08.2024 Abaı oblysy qarjy basqarmasynyń basshysy, Semeı qalasy
05.08.2024 — qazirgi ýaqytqa deıin Abaı oblysy Kókpekti aýdanynyń ákimi, Kókpekti aýyly.