Ádildik ıdeıasy ústemdik qurǵan qoǵamda polıtseılerge joǵary talap qoıylyp, zor jaýapkershilik júkteledi — Toqaev

ASTANA. KAZIINFORM — Memleket basshysy Qasym-Jomart Toqaev polıtsııa qyzmetkerlerine kásibı merekesine oraı jyly lebizin joldady. 

— Qurmetti polıtsııa qyzmetkerleri! Kásibı merekelerińizben quttyqtaımyn! Sizder zań pen tártipti saqtaýǵa, azamattardyń qaýipsizdigi men tynyshtyǵyn qorǵaýǵa eleýli eńbek sińirip kelesizder. Ádildik ıdeıasy ústemdik qurǵan qoǵamda polıtsııa qyzmetkerlerine joǵary talap qoıylyp, zor jaýapkershilik júkteledi. Sizder antqa adaldyqtyń jáne jurtqa janashyrlyqtyń ozyq úlgisin kórsetýlerińiz kerek. Árbir tártip saqshysynyń qyzmetin minsiz atqaryp, bilikti maman, otanshyl azamat bolýy óte mańyzdy. Sizderdiń ádiletti memleket pen berekeli qoǵam qurýǵa ólsheýsiz úles qosyp, «Zań men tártip» qaǵıdatyn ornyqtyrýǵa atsalysa beretinderińizge senemin. Árdaıym abyroı bıiginde bolyńyzdar! Barshańyzǵa zor densaýlyq, tolaıym tabys tileımin! — delingen Prezıdent quttyqtaýynda.