Ádilbek Mýsın Parıj Olımpıadasynyń jartylaı fınalyna óte almady

PARIJ. KAZINFORM — Frantsııa astanasy Parıj qalasynda ótip jatqan Olımpıada oıyndarynda júzýden Qazaqstan komandasynyń múshesi Ádilbek Mýsın Parıj Olımpıadasynyń jartylaı fınalyna óte almady.

100 metrge batterflıaı ádisimen júzýden synǵa túsken otandasymyz óz tobynda besinshi oryn alsa, jalpy esepte 29-satydan kórindi. Al jartylaı fınalǵa jarys erejesine sáıkes alǵashqy 16 sportshy ǵana ótedi.

 Aıta ketelik, bul Ádilbek Mýsınniń sońǵy jarys kúni. Osymen qazaqstandyq atlet Olımpıada oıyndaryn aıaqtady. 

Esterińizge sala keteıik, otandasymyz osyǵan deıin 100 metrge shalqalaı júzýden márege 8-shi bolyp jetip, taǵy da úzdikter qataryna ilige almaǵan edi.

2 tamyzda Parıj Olımpıadasynda qazaqstandyq sportshylar sporttyń 8 túrinen — stendtik atý, akademııalyq esý, dzıýdo, jeńil atletıka, júzý, semserlesý, boks jáne batýt gımnastıkasynan jarys jolyna shyǵady.