Ádilbek Mýsın álem chempıonatynyń jartylaı fınalyna ótti

ASTANA. KAZINFORM – Katardyń astanasy Dohada sý sportynan ótip jatqan álem chempıonatynda qazaqstandyq júzgish Ádilbek Mýsın 100 metrge batterflıaı ádisimen júzýden jartylaı fınalǵa ótti.

Ol alǵashqy irikteý satysynda 51:75 esebimen 4-orynǵa qol jetkizdi. Osylaısha jarysqa qatysqan 66 sportshynyń arasynan jartylaı fınalǵa ótken úzdik 16 atelttiń qataryna ilindi. 

Sondaı-aq búgin áıelder arasynda qazaqstandyq Ksenııa Ignatova 200 metrge arqamen júzýden irikteý kezeńinde 2:14,22 nátıjemen 32 sportshynyń arasynan 19-orynǵa ıe bolyp, jartylaı fınaldan tys qaldy. 

Ereje boıynsha jartylaı fınalǵa alǵashqy irikteý synynda úzdik 16 sportshynyń qataryna engen júzgishter ǵana ótedi.

Aıta keteıik, atalǵan álem birinshiligi 18 aqpan kúni máresine jetedi.