Ádil Súbebaev Áýe shabýylyna qarsy qorǵanys áskerleriniń qolbasshysy laýazymyna taǵaıyndaldy
ASTANA. KAZINFORM- Memleket basshysynyń ókimimen Ádil Málikuly Súbebaev Qazaqstan Respýblıkasy Qarýly Kúshteri Áýe qorǵanysy kúshteri Áýe shabýylyna qarsy qorǵanys áskerleriniń qolbasshysy laýazymyna taǵaıyndaldy.
Bul týraly Aqordanyń baspasóz qyzmeti habarlady.
Sondaı-aq Qaırat Saparbekuly Dáýitov Qazaqstan Respýblıkasy Qarýly Kúshteri Áýe qorǵanysy kúshteri Áýe shabýylyna qarsy qorǵanys áskerleriniń qolbasshysy laýazymynan bosatyldy.
Ádil Málikuly Súbebaev 1980 jylǵy 4 aqpanda Qazaq KSR-iniń Taldyqorǵan oblysy Andreevka aýdanyndaǵy Andreevka aýylynda dúnıege kelgen. Úılengen, úsh balasy bar.
2002 jyly Reseı Federatsııasy Qarýly Kúshteriniń Áýe shabýylyna qarsy qorǵanys áskerleriniń Áskerı ýnıversıtetin (Smolensk qalasy) támamdady.
2013 jyly Reseı Federatsııasy Qorǵanys mınıstrliginiń Áýe-ǵaryshtyq qorǵanys áskerı akademııasyn (Sankt-Peterbýrg qalasy) bitirdi.
2025 jyly Qazaqstan Respýblıkasy Ulttyq qorǵanys ýnıversıtetin (Astana qalasy) aıaqtady.
2002 jyly Qazaqstan Respýblıkasynyń Qarýly Kúshterinde áskerı qyzmetin bastady.
Qyzmet barysynda radıotehnıkalyq batareıanyń jaýyngerlik basqarý bólimshesi eseptobynyń bastyǵynan áskerı bólim komandırine deıingi laýazymdardy atqardy.
Sondaı-aq Qazaqstan Respýblıkasy Qarýly Kúshteri Qurlyq áskerleriniń Áýe shabýylyna qarsy qorǵanys áskerleri qolbasshysynyń orynbasary – Jaýyngerlik daıarlyq basqarmasynyń bastyǵy qyzmetin atqardy.
2026 jylǵy 10 tamyzda Qazaqstan Respýblıkasy Qarýly Kúshteri Áýe qorǵanysy kúshteriniń Áýe shabýylyna qarsy qorǵanys áskerleriniń qolbasshysy bolyp taǵaıyndaldy.
Osyǵan deıin Bas áskerı prokýratýra Qyzylorda garnızonynyń áskerı prokýrory taǵaıyndalǵany týraly jazdyq.
