Ádil Ǵalıahmetov: Qarsylastarymyzdan qoryqpaımyz

HARBIN.KAZINFORM – Short-trekten Qazaqstan quramasynyń sportshysy Ádil Ǵalıahmetov Kazinform tilshisine alǵashqy jarys kúnin qorytyndylap, aldaǵy fınaldyq básekege qatysty óz oıyn bólisti.

Sportshynyń sózinshe, búgingi jarys kúni jeńil ári óte jaqsy nátıjege toly bolǵan.

– Búgingi jarys sátti boldy, barlyǵymyz kelesi kezeńge óttik. Kóńil kúıim óte tamasha. Jarystar jeńil ári jaqsy ótti, nátıjeler kóńilden shyǵady, - dedi ol.

Ǵalıahmetov quramanyń 2000 metrge aralas komandalyq estafeta kezinde tap bolǵan qıyndyq týraly aıtty.

– Alına jarys kezinde qulap qaldy. Ondaı jaǵdaı muzǵa nemese konkıge baılanysty bolyp turady. Jarys shartyna baılanysty estafetany kelesi áıel sportshy ǵana qabyldaı alady. ıAna tórt aınalym júgirip, Qazaqstan komandasy fınalǵa joldama aldy, - dedi sportshy.

Sondaı-aq, short-trekshi fınaldaǵy qarsylastarynan qoryqpaıtynyn, altyn medal úshin kúresetinin basa aıtty.

– Fınalǵa eń myqty komandalar jınaldy. Koreıa jáne Qytaı quramasynyń sapynda Olımpıada chempıondary jáne álemdik reıtıngide aldyńǵy orynda túrǵan sportshylar bar. Alaıda biz qoryqpaımyz, altyn medal úshin bar kúshimizdi salamyz, - deıdi Ǵalıahmetov.

Aıta keteıik, Qytaıdyń Harbın qalasynda ótip jatqan IX qysqy Azııa oıyndarynyń short-trekten alǵashqy jarys kúni óz máresine jetti.

Qorytyndysynda, 1500 metrge syrǵanaý boıynsha 6 sportshy (3 áıel jáne 3 er) jartylaı fınalǵa, 500 metr jáne 1000 metrge syrǵanaýdan 6 sportshydan (3 áıel jáne 3 er) kelesi kezeńge ótti.

Sonymen qatar, Qazaqstan quramasy 2000 metrden aralas komandalyq estafeta boıynsha fınalǵa joldama aldy.