Adılıa Tilekenova Azııa chempıonatyndaǵy ekinshi júldesine qol jetkizdi
NUR-SULTAN. QazAqparat - Kórkem gımnastıkadan Taılandtyń Pattaıa qalasynda ótip jatqan Azııa chempıonatynda qazaqstandyq Adılıa Tilekenova ekinshi júldesine qol jetkizdi, dep habarlaıdy QazAqparat.
QR Ulttyq olımpıadalyq komıteti habarlaǵandaı, Tilekenova urshyqpen jattyǵý saıysynda 17.450 upaı jınap, Azııa birinshiliginiń kúmis júldesine qol jetkizdi. Bul synda bas júldeni 17.850 upaı jınaǵan qytaılyq ıAtıng Jao jeńip alsa, qola medaldi japonııalyq Rýrıko Shıbaıama qanjyǵasyna baılady.
Esterińizge sala keteıik, osyǵan deıin Adılıa Tilekenova kópsaıys qorytyndysy boıynsha Azııa birinshiliginiń qola júldegeri atanǵany týraly jazǵan bolatynbyz.
Aıta keteıik, kórkem gımnastıkadan Azııa chempıonaty 18 maýsym kúni jalaýyn túrgen bolatyn. 24 maýsymǵa deıin jalǵasatyn dodada jekeleı synda Qazaqstan atynan Adılıa Tilekenova, Daıana Ábdirbekova, Roza Abıtova jáne Aıdana Shákenova óner kórsetip jatsa, toptyq jattyǵýda Djessıka Býdnık, Regına Sultanova, Daıana Jaqypova, Janerke Dáýletqulova, Darııa Sharafıdenova jáne Saǵına Muratqyzy synǵa túsýde.
