Ádilhan Erjanovtyń fılmi Venetsııa kınofestıvalinde arnaıy júlde aldy

NUR-SULTAN. QazAqparat - 79-shy Venetsııa halyqaralyq kınofestıvalinde qazaqstandyq rejısser Ádilhan Erjanovtyń «Golıaf» fılmi ıtalııandyq táýelsiz kınosynshylardan arnaıy syılyq aldy, dep habarlaıdy QazAqparat.

Sháken Aımanov atyndaǵy «Qazaqfılm» kınostýdııasynyń málimetinshe, Premio bisato d'oro 2022 «Úzdik akter» júldesi Berik Aıtjanov pen Danııar Alshynovqa berilgen.

Ádilhan Erjanovtyń nýar janrynda túsirilgen «Golıaf» kórkem fılmi 31 tamyz ben 10 qyrkúıek aralyǵynda Lıdo aralynda ótip jatqan 79-shy Venetsııa halyqaralyq kınofestıvaliniń Orizzonti Extra («Jańa kókjıek») konkýrs baǵdarlamasyna endi.

Orizzonti Extra baǵdarlamasy álemniń túkpir-túkpirinen rejısserlerdiń jańa esimderin ashqan álemdik kınematografııanyń negizgi tendentsııalaryn kórsetedi.