Ádiletti Qazaqstandy qurý mınıstrler men ákimderdiń ǵana mindeti emes – Toqaev
«Qazaqstan – osy geosaıası aımaqta saıası júıesin qysqa merzim ishinde túbegeıli ózgertken birden-bir memleket. Tyń ózgeristerdiń arqasynda saıası reformalardyń Qazaqstanǵa ǵana tán erekshe úlgisi qalyptasty. Keleshekte de onyń mán-mańyzy arta bermek. Alaıda, qolda bar jetistikke toqmeıilsip otyrýǵa bolmaıdy. Alda uzaq jol, aýqymdy jumys bar. Jalpy, Ádiletti Qazaqstandy qurý mınıstrler men ákimderdiń ǵana mindeti emes. Oǵan búkil qoǵam bolyp jumylýymyz kerek. Al, túpki maqsatymyzǵa jetý úshin saıası-ekonomıkalyq reforma jasaý jetkiliksiz», - dep toqtaldy Memleket basshysy Qasym-Jomart Toqaev.
Prezıdent Ádiletti Qazaqstandy qurý úshin eń bastysy ár azamattyń sana-sezimine serpilis jasaý kerektigin basa aıtty.
«Eń bastysy, ár azamattyń sana-sezimi jańǵyrýy qajet. Halqymyzdyń dúnıetanymy jáne ómirlik ustanymdary ózgerýge tıis. Áıtpese, basqa reformanyń bári beker. Bir sózben aıtsaq, pıǵyl ózgermese, eshteńe de ózgermeıdi», - dedi Prezıdent.
Eske salaı keteıik, búgin Túrkistanda Memleket basshysynyń qatysýymen Ulttyq quryltaıdyń ekinshi otyrysy ótip jatyr.
