Ádilet vıtse-mınıstri D.Qusdáýletov Reseıdiń eńbegi sińgen zańgeri Talııa Habrıevamen kezdesti

Bul sharaǵa sonymen qatar Qazaqstan Respýblıkasy Zańnama ınstıtýtynyń dırektory Jumabek Busyrmanov pen osy ınstıtýttyń ǵalymdary men qurylymdyq bólimsheleriniń jeteshileri qatysty. Taraptar onda klassıkalyq jáne zamanaýı ǵylymı quqyqtyq teorııalarǵa qatysty máselelerdi sóz etti. Sonymen qatar olar qazirgi zamanǵy quqyq ǵylymy men ony ári qaraı qoldaný problemalaryn ortaǵa salyp, quqyq shyǵarmashylyǵy men quqyq qoldaný sharalaryna ǵylymı kózqaras qajettigine toqtaldy. Buǵan qosa kezdesýge qatysýshylar Qazaqstan men Reseıdiń quqyq tájirıbesi men zańnamalaryn damytýdaǵy quqyqtyq doktrınalardyń róline baǵa berdi.

Ádilet vıtse-mınıstri D.Qusdáýletov bul rette memleket pen quqyq máselesiniń ózekti problemalaryn zertteýde eki eldiń zańgerleriniń tájirıbelerin biriktirý qajet degen usynys aıtty. Mınıstrdiń orynbasarynyń sózinshe, Qazaqstannyń zańnama ınstıtýty men

Reseı Úkimeti janyndaǵy Zańnama jáne salystyrmaly quqyqtaný ınstıtýtynyń birlesken sharalary normashyǵarmashylyq qyzmetti jetildirýge tyń serpin beredi.