«Ádilet» uıymy 1 mlrd. teńge kóleminde 100 myńnan astam tutynýshynyń quqyn qorǵady
«Ádilet» uıymy egemen Qazaqstanda halyqtyń quqyqtyq saýatyn joǵarylatý isine belsene aralasqan alǵashqy qoǵamdyq qozǵalystardyń biri.
«20 jyl ishinde biz Astana qalasynda 100 myńnan astam tutynýshynyń quqyqtaryn qorǵadyq. Merzimi ótip ketken taýarlar, sapasyz kórsetilgen qyzmetter, jónsiz joǵarylatylǵan kommýnaldyq tólemder boıynsha 1 mıllıard teńge qarjy ıelerine qaıtaryldy. Al eń bastysy, bizdiń uıym elorda turǵyndarynyń quqyqtyq saýattylyǵyn kóterýde úlken úles qosty», - dep atap ótti «Ádilet» tutynýshylar quqyn qorǵaý qoǵamdyq birlestiginiń tóraǵasy Qabyken Zakarıanov.
Onyń atap ótýinshe, táýelsizdiktiń bastapqy jyldarynda tutynýshylardyń quqyqtyq zerdesi tómen boldy. Al búgingi tańda halyqtyń 70 paıyzy zańnamany jaqsy biledi jáne quqyqtary buzylǵan jaǵdaıda tikeleı sotqa júginip jatady. Qoǵamnyń ekonomıkalyq qarym-qatynasy jańa deńgeıge kóterildi.
Halyqaralyq konferentsııaǵa qatysýshylar sala-sala boıynsha talqylaýlar ótkizip, onyń qorytyndysy negizinde QR Úkimetine úndeý tastamaq. Sonymen qatar «QR Tutynýshylar quqyqtaryn qorǵaý týraly» zańyna birqatar ózgerister men tolyqtyrýlar jasaý jóninde óz usynystaryn joldaıtyn bolady.
