Ádilet organdary qyzmetkerleriniń jalaqysy 63 paıyzǵa ósti

NUR-SULTAN. QazAqparat – Ádilet mınıstri Marat Beketaev vedomstvoda qansha qarjy únemdelgenin aıtty, dep habarlaıdy QazAqparat tilshisi.

«Prezıdent Joldaýyn iske asyrý maqsatynda ádilet organdary qyzmetkerleriniń shtat sanyn otyz paıyzǵa ońtaılandyrý boıynsha jumys júrgizildi. Aýmaqtyq ádilet organdarynyń 265 bólimi ońtaılandyryldy, 217 ádilet basqarmasy 59 aýdanaralyqqa biriktirildi», - dedi mınıstr onlaın rejımde halyq aldynda esep berý barysynda.

Osy oraıda 30 myń sharshy metr alań men 109 kólik quraly bosatyldy.

«Bıýdjet qarajatyn únemdeý shamamen eki mıllıard teńgeni qurady. Osyǵan baılanysty bıylǵy aqpannan bastap mınıstrliktiń barlyq aýmaqtyq bólimshelerinde faktorlyq-balldyq shkala boıynsha eńbekaqy tóleýdiń pılottyq jobasy engizildi. Nátıjesinde, orta býyn qyzmetkerlerdiń jalaqysy shamamen 63 paıyzǵa kóterildi», - dedi Marat Beketaev.