«Ádilet organdary keńes beredi» sharasy aıasynda jazasyn óteýshilerge keńes berildi
ASTANA. QazAqparat - «Ádilet keńes beredi» respýblıkalyq úsh kúndik aktsııasynyń ekinshi kúni bastaýyn Astana qalasy mańyndaǵy ETs-166/22 memlekettik mekemesinde sottalǵandarǵa qalanyń tájirıbeli zańgerlerimen tegin zańgerlik keńes berý kezdesýinen bastaý aldy, dep habarlaıdy Astana qalasy Ádilet departamentiniń baspasóz qyzmetinen.
Astana qalasy turǵyndaryna tegin zańgerlik kómek kórsetý maqsatynda departamenttiń jaýapty qyzmetkerlerinen, memlekettik organdardyń zańgerlerinen, qalalyq Notarıattyq palata jáne advokattar alqasynyń ókilderinen turatyn aqparattyq-nasıhattyq top quryldy.
Aktsııa barysynda aqparattyq-nasıhattyq top jáne Astana qalasy boıynsha Qylmystyq atqarý júıesi departamentiniń ókilderi Astana qalasynyń ETs-166/22 memlekettik mekemesinde boldy. Kezdesýge qatysýshylar ózderiniń kassatsııalyq shaǵym, sot sheshimine qaıta shaǵymdaný, jeke múlikti zańdastyrý jáne basqa da máseleleri boıynsha saýaldaryn qoıyp, aqparttyq-nasıhattyq top tarapynan sáıkesinshe jaýaptaryn aldy.
Kezdesý sońynda qatysýshylar atalmysh sharaǵa qoldaý bildirip, halyq arasynda osyndaı zańgerlik kómek jáne quqyqtyq túsindirý jumystaryn júrgizip júrgenderge alǵystaryn bildirdi.
