«Ádilet organdary keńes beredi» atty respýblıkalyq shara qorytyndylandy
ASTANA. Shildeniń 2-si. QazAqparat - Maýsymnyń 21-25-si aralyǵynda Ádilet mınıstrligi halyqqa quqyqtyq kómek kórsetý maqsatynda «Ádilet organdary keńes beredi» atty respýblıkalyq aktsııasyn ótkizdi.
Atalǵan vedomstvonyń baspasóz qyzmeti sol is-sharanyń qorytyndysyn jarııalap otyr.
Shara sheńberinde aımaqtyq Ádilet departtamentteriniń, «Nur Otan» HDP fılıaldarynyń qyzmetkerlerimen, advokattar jáne notarıýstarmen barlyq ótinish bildirgen azamattarǵa, zańdy tulǵalarǵa quqyqtyq kómek kórsetildi, zańnamanyń normalary túsindirilip, tıisti keńester berildi. Aktsııa aıasynda halyqpen 11 júzdesýler, 69 kásiporyn men 27 oqý ornynda is-sharalar uıymdastyrylyp, 23 Halyqqa qyzmet kórsetý ortalyqtarynda azamattarmen kezdesýler ótkizildi.
Іs-shara sheńberinde quqyqtyq kómek alý úshin ótinish bildirgen 10 163 azamat pen zańdy tulǵalar ókilderine keńes berildi. 4 589 jazbasha ótinishterdiń 1 127 sheshilip, 3 371 ótinish boıynsha túsindirý sıpattaǵy jaýaptar berilse, qalǵan ótinishter qarastyrylýda. Quqyqtyq keńes alǵan azamattar óz kásibı deńgeıin arttyryp, onan keıin alǵan usynystardy kúndelikti ómirinde qoldanýǵa múmkindik aldy.
«Aktsııa nátıjesinde azamattardy kóp ýaqyt boıy alańdatqan ártúrli salalardaǵy suraqtar sheshimin tapty. Atap aıtqanda, azamattardy qujattandyrý men tirkeýge, aqysyz advokattyq kómek kórsetýge, jyljymaıtyn múlikke qatysty mámilelerdi jasaýǵa qatysty, sondaı-aq qylmystyq atqarý júıesi, zııatkerlik menshik salalaryndaǵy, sonymen qatar azamattardy, onyń ishinde memlekettik notarıýstardyń notarıaldyq qyzmetti júzege asyrý máseleleri qarastyryldy», delingen baspasóz habarlamasynda.
