Ádilet mınıstrliginiń sot aktilerin oryndaý qyzmeti óz mindetterin 7 paıyzǵa asyra oryndady
ASTANA. 20 sáýir. QazAqparat /Aıdar Ospanalıev/ - Ádilet mınıstrliginiń sot aktilerin oryndaý qyzmeti óz mindetterin ótken jylmen salystyrǵanda 7 paıyzǵa arttyra oryndady.
Buny búgin jýrnalıstermen bolǵan brıfıngte Ádilet mınıstrliginiń resmı ókili Erbolat Erimbet aıtty.
Onyń sózine qaraǵanda, atqarý óndirisi Ádilet mınıstrliginiń quzyryna ótkennen keıin, Sot aktilerin oryndaý komıtetiniń qyzmetinde edáýir ilgerileýshilik baıqaldy. Aıtalyq, bıylǵy jyldyń 1-shi toqsanynda óndiriste quny 786,8 mıllıard teńgeniń 468 myń 828 atqarý qujattary jatqan bolsa, Olardyń 178 myń 288-i, ıaǵnı 36,6 paıyzy aıaqtalǵan. Ótken jylmen salystyrǵanda ósim 7 paıyzdy qurap otyr. «Osy baǵyttaǵy jumystardyń nátıjesinde quny 318,8 mıllıon teńgeniń sanktsııasy memleket paıdasyna sheshildi. Bul ótken jyldyń sáıkes merzimimen salystyrǵanda, 26,8 mıllıon teńgege nemese 9 paıyzǵa kóp», - dedi resmı ókil.
