Ádilet mınıstrliginiń resmı ókili taǵaıyndaldy
Mınıstr Marat Beketaev jýrnalısterdi baspasóz qyzmetiniń aldaǵy ýaqyttaǵy josparymen tanystyryp, mınıstrliktiń resmı ókilin taǵaıyndady. Bul qyzmetke tilshi Oljas Ramazanov bekitildi.
Vedomstvo basshysynyń aıtýynsha, Memleket basshysynyń tapsyrmasyna sáıkes ázirlenip jatqan zań jobalaryn aýqymdy túsindirý jumystaryn júrgizý qajet. Sondyqtan baspasóz ortalyǵy vedomstvoaralyq komıssııada qaralatyn zań jobalary týraly aqparatty qoǵamǵa jetkizetin bolady.
Aıta ketý kerek, jańa zalda jýrnalıster komıssııanyń jumysyn tikeleı efırde kóre alady.
«Al, árbir baıandamadan keıin sóz sóılegen adam osynda kelip, buqaralyq aqparat quraldary ókilderinińń suraqtaryna jaýap beretin bolady. Búginnen bastap mekemearalyq komıssııanyń jumysy osyndaı formatta uıymdastyrylady, - dep atap kórsetti mınıstr Marat Beketaev.
