Ádilet mınıstrliginiń ókili jetim balalarǵa arnalǵan kásibı lıtseı-ınternatynyń ujymymen kezdesti
ASTANA. Aqpannyń 26-sy. QazAqparat - Elbasynyń «Jańa onjyldyq - jańa ekonomıkalyq órleý - Qazaqstannyń jańa múmkindikteri» Joldaýyn túsindirý jónindegi aqparattyq-nasıhattaý tobynyń jumys sheńberinde Ádilet mınıstrligi Zańnama departamentiniń dırektory Azamat Esqaraev Astana qalasyndaǵy jetim balalarǵa arnalǵan kásibı lıtseı-ınternatynyń oqytýshylarymen jáne tárbıelenýshilerimen kezdesti,
dep habarlady Ádilet mınıstrliginiń baspasóz qyzmetinen.
Ádilet mınıstrliginiń ókili óz sózinde áleýmettik jáne ekonomıkalyq salany damytý máselelerine erekshe toqtala otyryp, Joldaýdyń árbir tarmaǵynyń máni men maǵynasyn egjeı-tegjeı túsindirdi.
Atap aıtqanda, Úkimet jumysynyń eń basty ári sheshýshi nátıjesi halyqtyń ál-aýqatyn sapaly ózgertý bolatyny atap aıtyldy. Eń aldymen, bul kúnkóris deńgeıi tómen turǵyndar sanyn 8 paıyzǵa deıin azaıtady jáne jumyssyzdyq deńgeıin turaqtandyrady, ıaǵnı 2020 jyly 5 paıyzdan aspaıdy.
A.Esqaraev óz sózinde sondaı-aq, 2010 jyly ındýstrııalyq-ınnovatsııalyq keshendi, bilim berý men densaýlyq saqtaýdy, tilderdi qalyptastyrýdy jedel damytýǵa baǵyttalǵan birqatar memlekettik baǵdarlamalar ázirlenip, Prezıdentke qol qoıýǵa engiziletinin atap aıtty.
Sonymen qatar, kezdesýge qatysýshylarǵa Memleket basshysynyń Joldaýy men Qazaqstan Respýblıkasynyń 2020 jylǵa deıingi damýynyń strategııalyq josparynda basty basymdyq retinde ındýstrııalandyrý úshin qajetti jańa ekonomıkalyq negiz qurý anyqtalǵany, bul qazaqstandyq bıznesti keń aýqymda qoldaıtyny jáne kásipkerliktiń jańa tolqynyn jasaý úshin jaǵdaı jasaıtyny týraly habardar boldy. Bul, óz kezeginde jańa jumys oryndaryn ashýǵa jeteleıtin kúsh bolmaq.
Kezdesý sońynda Esqaraev mundaı lıtseı ashý Prezıdenttiń qamqorlyǵy men olar jáı ǵana orta bilim týraly attestat emes, mamandyq alyp shyǵý úshin jetim balalarǵa arnalǵan oqý oryndaryn ashý týraly ıdeıasy arqyly múmkin bolǵanyn atap ótti.
Jetim balalarǵa arnalǵan bul lıtseı-ınternaty byltyr Elbasynyń qatysýymen Astana kúni ashylǵan bolatyn.
