Ádilet mınıstrliginiń ókilderi zııatkerdik menshikke qatysty ózekti máselelerdi ortaǵa saldy
ASTANA. Qyrkúıektiń 29-y. QazAqparat /Aıdar Ospanalıev/ - Búgin Ádilet mınıstrliginde Zııatkerlik menshik komıtetiniń uıymdastyrýymen shyǵarmalarǵa degen quqyqtardy tirkeý máselelerine arnalǵan dóńgelek ústel otyrys ótti.
Qyrkúıektiń 28-indegi málimetterge qaraǵanda, komıtettiń reestrinde shyǵarmalarǵa degen 1 myń 472 quqyq tirkelgen. Bul 2009 jylmen salystyrǵanda 1,5 esege kóp bolyp otyr. Shyǵarmalarǵa degen quqyqtaryn tirkeýshiler sanynyń kóptigine qaramastan «Avtorlyq quqyqtar men sabaqtas quqyqtar týraly» zańyn qoldaný barysynda tirkeýge usynys berý máselesine baılanysty birqatar kemshilikter anyqtalǵan. Bul kemshilikter kóbine zańdy jete bilmegendikten jáne onyń durys túsindirilmegendigine baılanysty týyndaǵan. Osyǵan sebepti otyrysty uıymdastyrýshylar basqosýda atalmysh kemshilikter men zańnyń jekelegen baptary jóninde ózara pikir almasty. Sharaǵa jazýshylar, sáýletshiler, kompozıtorlar odaǵy men oqý oryndarynyń jáne baspahanalardyń ókilderi qatysty.
