Ádilet mınıstrliginde Zııatkerlik menshik quqyqtaryn qorǵaý komıssııasy jumysqa kiristi

dep habarlady vedomstvonyń baspasóz qyzmetinen.

Komıssııa memlekettik organdardyń jumystaryn úılestirý jáne túrli qoǵamdyq uıymdarmen birlesip jumys isteýdi josparlaý jónindegi usynystardy tujyrymdaýmen aınalysatyn bolady. Komıssııa músheleri kúsh-jigerlerin zııatkerlik menshik quqyqtarynyń laıyqty qorǵalýyn qamtamasyz etý, Qazaqstanda kontrafaktilik (zańsyz) aýdıo-, beıneónimderdiń, kompıýterlik aqparat tasymaldaǵyshtardyń, ónerkásiptik menshik nysandarynyń, taýarlyq belgilerdiń óndirilýine jáne taralýyna jol bermeý, sondaı-aq Keden odaǵy aıasyndaǵy halyqaralyq yntymaqtastyqty damytý jáne nyǵaıtý jónindegi naqty sharalardy júzege asyrýǵa baǵyttaıdy.

Komıssııanyń birinshi otyrysy mamyr aıyna josparlanyp otyr.

Esterińizge sala keteıik, zııatkerlik menshik quqyqtaryn qorǵaý jónindegi jumystardyń tıimdiligin arttyrý maqsatynda Úkimet aǵymdaǵy jyly naýryzdyń 9-ynda «Zııatkerlik menshik quqyqtaryn qorǵaý jónindegi komıssııa qurý týraly» №181 qaýly qabyldady.

Komıssııanyń quramyna ádilet mınıstrligi, ishki ister mınıstrligi, Qarjy polıtsııasy agenttigi, Joǵarǵy sot, Bas prokýratýra jáne t.b. memlekettik vedomstvolardyń birinshi basshylarynyń orynbasarlary kirip otyr.