Ádilet mınıstrliginde advokattyq qyzmetpen aınalysý quqyna úmitkerlerdiń attestatsııasy bastaldy

dep habarlaıdy QazAqparat.

Attestatsııalyq komıssııa ókilderiniń aıtýynsha, advokattyq qyzmet quqyna ıelený úshin synǵa túsetinder testileý túrinde emtıhan tapsyrýlary tıis, ıaǵnı barlyǵy 100 suraqqa jaýap qaıtarýlary shart. Eger úmitker 70-ten astam durys jaýaptardy belgilese, ekinshi kezeńge ótip, komıssııa múshelerimen aýyzsha áńgimelesý tártibinde synalatyn bolady.

Atap aıtqanda, úmitker 4 baldan joǵary jınasa, Ádilet mınıstrligi lıtsenzııa berý máselesin sheshetin bolady.

Testileýde konstıtýtsııalyq, qylmystyq, azamattyq quqyq, sondaı-aq protsessýaldyq zańnama, jer jáne otbasylyq qatynastar turǵysyndaǵy suraqtar qamtylǵan.

Attestatsııa eki kezeń boıynsha ótkiziledi. Birinshi kezeńde, ıaǵnı aqpannyń 24-i men 27-si aralyǵynda Astana qalasynyń, Aqmola, Qaraǵandy, Qostanaı, Soltústik Qazaqstan, Pavlodar, Aqtóbe oblystarynyń úmitkerleri qatysady. Al qalǵan oblystardyń ókilderine attestatsııa ótkizý merzimi qosymsha habarlanatyn bolady.