Ádilet mınıstrligi jyl basynan beri 320 normatıvtik quqyqtyq aktilerdiń qoldanystaǵy zańnamalarǵa sáıkes emestigin anyqtady - R.Túsipbekov
ASTANA. Maýsymnyń 14i. QazAqparat /Muratbek Maqulbekov/ - QR Ádilet mınıstrligi aǵymdaǵy jylǵy 5 aıdyń ishinde ortalyq memlekettik organdardyń 320 normatıvtik quqyqtyq aktilerin qoldanysaǵy zańnamalarǵa sáıkestendirýdi talap etetinin anyqtady. Bul týraly Mınıstrliktegi kóshpeli Úkimet saǵatynyń barysynda QR Parlamenti Májilisi depýtattarynyń aldynda sóılegen sózinde QR Ádilet mınıstri Rashıd Túsipbekov málim etti.
«Ádilet mınıstrligi memlekettik organdardyń normatıvtik quyqtyq aktilerdi shyǵarýdy, qoldanýdy, memlekettik tirkeýdi jáne jarııalaýdy retteıtin zańnamalardy saqtaýy máselelerine basa nazar aýdaryp otyrady. Bul salada problemalar kóp. Olar memlekettik organdar basshylarynyń tarapynan shyǵaratyn aktilerdiń zańdylyǵy máselelerine durys kóńil bólmeıtindiginen bolyp otyr», - dedi R.Túsipbekov.
Atap aıtqanda, onyń aıtýynsha, Bilim jáne ǵylym mınıstrligin sáýir aıynda tekserý barysynda 121 buıryqta Densaýlyq saqtaý mınıstrliginde - 146 buıryqta zańnamalardy buzý jaǵdaılary anyqtalǵan. Bilim jáne ǵylym mınıstrligi tórt jyldyń ishinde praktıkada zańsyz qoldanylǵan 80 normatıvtik quqyqtyq aktini memlekettik tirkeýge usynbaǵan.
