Ádilet mınıstrligi JSN engizýge qatysty túsindirý jumystaryn durys júrgizbeı, eldi ábigerge salyp otyr - Z. Bálıeva
ASTANA. Mamyrdyń 25-i. QazAqparat /Qanat Mámetqazyuly/ - Ádilet mınıstrligi azamattardyń qujattaryna Jeke sáıkestendirý nómirin engizýge baılanysty túsindirý jumystaryn durys júrgizgen joq. Sonyń saldarynan jurtshylyq úlken ábigerge túsip otyr.
Búgin Májilis depýtattary bastama jasaǵan «QR keıbir zańnamalyq aktilerine ıdentıfıkatsııalyq nómirler máseleleri boıynsha ózgerister men tolyqtyrýlar engizý týraly» zań jobasyn talqylaý barysynda depýtat Zaǵıpa Bálıeva osylaı málim etti, dep habarlaıdy QazAqparat.
«Identıfıkatsııalyq nómirlerdi engizýdiń asa qajet ekeni daýsyz. Degenmen, bul sharany satylap, halyqty sonshalyqty qobaljytpaıtyndaı júzege asyrǵan jón bolatyn edi. Jalpy, elimizde ıdentıfıkatsııalyq nómirler berý 1995 jyldan bastap júrgizilip keledi. Bundaı nómirler el azamattarynyń basym bóliginde bar. Sondyqtan da, Ádilet mınıstrligi jeke kýálikterinde sondaı nómirleri joq azamattarǵa ǵana JSN engizý týraly aqparattyq habarlama jasaýlary kerek bolatyn. Al mınıstrlik zańda belgilengen merzim ótken soń «kýálikter jaramsyz bop qalady» - dep eldi úlken ábigerge saldy. Sonyń saldarynan jurtshylyq Halyqqa qyzmet kórsetý ortalyqtaryna qaraı aǵylyp, onda áli kúnge uzyn-sonar kezekten aryla almaı otyr. ıAǵnı, JSN-di engizýge qatysty memlekettik organ tarapynan túsindirý jumystary durys jolǵa qoıylmaǵan», dedi Z. Bálıeva.
Sonymen birge, depýtat jaýapty memlekettik organdardan ulttyq tirkelim týraly zańnyń ne sebepti oryndalmaı otyrǵanyn qatań talap etý qajettigin de eske saldy. «Bundaı sharalar júzege aspasa, bizde eshqandaı da «Elektrondyq Úkimet» te bolmaıdy. Olaı bolsa, elektrondyq memlekettik qyzmet kórsetý de júzege aspaıdy degen sóz. ıAǵnı, bul normalar oryndalmasa memlekettik organdar sapaly qyzmet kórsete almaıdy», dedi Z. Bálıeva.
