Ádilet mınıstrligi jańa zań jobalaryna belsendi úles qosqan azamattardy marapattady
Atap aıtqanda, Danııar Muhatov, Abaı Qalıev, Talǵat Teńizbaev, Nıkolaı Sergeev marapattaldy jáne áleýmettik jeli arqyly jibergen usynystary «QR Ákimshilik quqyq buzýshylyqtar týraly kodeksine ózgerister men tolyqtyrýlar engizý týraly» Zań jobasyna engizildi.
Eń belsendisi kásipker Danııar Muhatov boldy, ol atalǵan zań jobasyna bes usynysyn engizgen.
«Bári Facebook jelisinen bastaldy, ásirese avtomobıl salasynda. Maǵan kásipkerler salyq quqyq buzýshylyqtary úshin ákimshilik jaýapkershilikti tómendetý boıynsha usynystar aıtty. Sebebi bizdiń kásipkerlerge bir ýaqytta birneshe qyzmetti alyp júrýine týra keledi jáne olar zańdy bilmeýinen quqyq buzýshylyqtarǵa jol beredi. Naqty qaı usynystarymnyń engeni belgisiz», - deıdi D. Muhatov.
«Zań jobalaryn talqylaý saıtyn keńinen nasıhattaý kerek jáne zań jobalaryn talqylaýǵa belsendi qatysyp, óz usynystaryn jibergen azamattarǵa qoldaý bildirý kerek», - dedi Ádilet mınıstri.
Eske sala ketsek, búgin QR Ádilet mınıstri Marat Beketaev halyq aldynda esep berý kezdesýin ótkizdi jáne QR turǵyndarynyń saýaldaryna jaýap berdi.
