Ádilet mınıstrligi zań jobasyn ázirleýge jáne ǵylymı saraptama júrgizýge bólingen qarjynyń tıimdi paıdalanýyn zerdelemek

Bul týraly búgin Ádilet mınıstrliginde ótken baspasóz máslıhatynda atalǵan vedomstvonyń resmı ókili Erbolat Erimbet málim etti.

Onyń atap ótýinshe, júrgizilgen saraptama salalyq mınıstrlikter men vedomstvolardan túrli sıpattaǵy ǵylymı jáne qoldanbaly zertteýler jasaýǵa jyl saıyn aýqymdy bıýdjet qarjysy bólinetindigin kórsetken. Taldaý jasaýmen aınalysatyn bundaı shyǵarmashylyq ujymdar men salalyq ınstıtýttardyń sany shamamen 170 uıymdy qurap otyr.

Osyǵan qaramastan jyldan jylǵa zańnamalyq sheshimderdiń turaqsyzdyǵy jáne ázirliginiń álsizdigi baıqalatyndyǵyn atap ótken resmı ókil: «Ádilet mınıstrligi Qarjy mınıstrligimen birlesip, zań jobasyn ázirleýge jáne ǵylymı saraptama júrgizýge memlekettik organdarǵa bólingen atalǵan qarjynyń tıimdi paıdalanýyna taldaý júrgizetin bolady. Taldaý qorytyndysy boıynsha tıisinshe usynystar ázirlenip, engiziledi», - dedi.