Ádilet mınıstrligi ulttyq preventıvtik tetikterdi qurý týraly zań jobasyn ázirledi
ASTANA. Tamyzdyń 26-sy. QazAqparat /Qanat Mámetqazyuly/ - Ádilet mınıstrligi ulttyq preventıvtik tetikterdi qurý týraly zań jobasyn ázirledi. Bul týraly búgin QR Ádilet mınıstrliginde ótken brıfıng barysynda vedomstvonyń resmı ókili Erbolat Erimbet málim etti.
Resmı ókildiń aıtýynsha, atalǵan zań jobasy Elbasynyń «Qazaqstan Respýblıkasynda quqyq qorǵaý qyzmeti men sot júıesiniń tıimdiligin arttyrý jónindegi sharalar týraly» Jarlyǵyna sáıkes ázirlengen.
«Zań jobasy qoldanystaǵy ulttyq zańnamamyzdy 1984 jylǵy jeltoqsannyń 10-ynda qabyldanǵan Azaptaý men basqa da qatal, adamgershilikke jatpaıtyn nemese azamattyń qadir-qasıetin qorlaıtyn qarym-qatynas pen jaza túrlerine qarsy BUU Konventsııasy talaptaryna sáıkes keltirýge baǵyttalady», dedi E. Erimbet. Onyń aıtýynsha, atalǵan qujattan bólek quqyq qorǵaý organdarynda qyzmet etýdiń biryńǵaı standarttaryn, onyń ishinde áleýmettik qamtamasyz etýdi júzege asyratyn quqyq qorǵaý organdary qyzmetkerleriniń attestatsııadan ótpeýin kózdeıtin zań jobasy ázirlenýde. Bundaı qujattardy qabyldaýdaǵy negizgi maqsat azamattardyń quyqtaryn ádil ári shynaıy qorǵaý bolyp tabylady.
