Ádilet mınıstrligi shetel sottarynda 9,4 mlrd. dollar kóleminde Qazaqstan múddesin qorǵady

ASTANA. QazAqparat - 6 jylda shet elderdegi sottarda 9,4 mlrd. AQSh dollary kóleminde Qazaqstan múddesi qorǵaldy. Bul týraly QR Ádilet mınıstrliginen habarlandy.

«QR Ádilet mınıstrligi halyqaralyq tórelik jáne sheteldik sot organdarynda memlekettiń múddesin qamtamasyz etedi. Osy fýnktsııany nyǵaıtý maqsatynda 2010 jyly Mamandandyrylǵan departament quryldy. Departamenttiń jumys kezeńinde Qazaqstan Respýblıkasynyń paıdasyna 6 tórelik talqylaý arqyly oń sheshim qabyldandy, olar boıynsha 9,4 mlrd.AQSh dollar quraıtyn talap aryzdar qabyldanbady»,-delingen mınıstrlik habarlamasynda.

Osylaısha, 2010 jyly Qazaqstan Respýblıkasynyń paıdasyna «Liman Caspian Oil BV» jáne «NCL Dutch Investment BV» jer qoınaýyn paıdalanýshy - kompanııalarynyń ınvestıtsııalyq talap aryzdary boıynsha 300 mln.AQSh dollaryna (Investıtsııalyq daýlardy retteý jónindegi halyqaralyq ortalyqtyń tórelik Trıbýnaly) jáne «World Wide Minerals Ltd.» Kanada kompanııasynyń 3,7 mlrd. AQSh dollaryna (Stokgolm q.) sheshim shyǵarylǵan.

«2012 jyly Investıtsııalyq daýlardy retteý jónindegi halyqaralyq ortalyqtyń tórelik Trıbýnaly Qazaqstannyń paıdasyna Qaratóbe kompanııasynyń ınvestıtsııalyq talap aryzy boıynsha 1,2 mlrd. AQSh dollaryna sheshim shyǵardy. 2013 jyly Qazaqstan Respýblıkasynyń paıdasyna «Rýbı Roz Agrıkol» jáne Kassem Abdallah Omar kompanııalarynyń talap aryzdary boıynsha 215 mln. AQSh dollary (UNCITRAL) jáne «KT Asia Investment Group B.V.» kompanııasynyń talap aryzy boıynsha 3 mlrd. AQSh dollaryna (UNCITRAL) sheshim shyǵaryldy»,-dep naqtylady vedomstvo.

Osy jyly Investıtsııalyq daýlardy retteý jónindegi halyqaralyq ortalyqtyń tórelik Trıbýnaly 1 mlrd. AQSh dollary somasyna talapkerdiń elektroenegetıka salasyndaǵy ınvestıtsııalyq qyzmetimen baılanysty «AES Corporation» kompanııasynyń talap aryz talaptarynan bas tartty.

«Jalpy óndiriste 11 tórelik talqylaý bar, ol boıynshatalap-aryz somasy shamamen 4 mlrd. AQSh dollaryn quraıdy»,-deıdi mınıstrlikókilderi.

Qazirgi ýaqytta Departament qyzmetkerleriniń shtaty shetel tilin meńgergen 12 mamannan quralǵan. Qyzmetkerlerdiń barlyǵy «Bolashaq» Halyqaralyq baǵdarlamasy boıynsha AQSh jáne Ulybrıtanııanyń reıtıngtik JOO-nyń túlekteri bolyp tabylady.