Ádilet mınıstrligi ótken jyly tirkelgen nysandar týraly jarııa etti

NUR-SULTAN. QazAqparat – 2020 jyly Qazaqstanda ónerkásiptik menshik boıynsha 12 myńnan astam nysan tirkeldi. Bul týraly QR Ádilet mınıstrliginiń baspasóz qyzmetinen málim boldy, dep habarlaıdy QazAqparat tilshisi.

Vedomstvo dereginshe, 2020 jyly iske asyrylǵan jumystardyń arasynda:

- ónerkásiptik menshiktiń 12 016 nysany tirkeldi (2019 jyly – 11 679, 2018 jyly – 11 561, 2017 jyly – 9 430);

- avtorlyq quqyq nysandarynyń memlekettik reestrine 6 881 nysan engizildi (2019 jyly – 6 184, 2018 jyly – 4 321, 2017 jyly – 3 282);

- vedomstvonyń aýmaqtyq organdary quqyq ıeleriniń ótinimi negizinde taýar belgileri boıynsha 7 tekseris júrgizdi (Almatyda – 3, Atyraý, Jambyl, Qostanaı, Shyǵys Qazaqstan oblystarynda bir tekseristen).

Zańsyz aınalymnan jalpy somasy 1 mln 729 myń teńgeniń kontrafakt ónimi tárkilendi.