Ádilet mınıstrligi KTK, Rahat telearnalarynda zııatkerlik menshik quqyǵynyń saqtalýyna tekserý júrgizbek

Bul týraly búgin Ádilet mınıstrliginde ótken baspasóz máslıhatynda atalǵan vedomstvonyń resmı ókili Erbolat Erimbet málim etti.

Zııatkerlik menshik quqyqtaryn qorǵaýdy qamtamasyz etý ádilet organdary mindetteriniń biri ekendigin atap ótken ol: «2011 jyldyń 2 aıynda zııatkerlik menshik nysandaryn paıdalanatyn 295 sýbektige tekseris júrgizildi. Nátıjesinde 79 quqyq buzýshylyq anyqtalyp, 74 ákimshilik is qozǵaldy», - dedi.

Onyń atap ótýinshe, osy aralyqta zańsyz aınalymnan jalpy somasy 5 mıllıon teńgeden asatyn 16625 dana kontrafaktilik ónim tárkilengen.

Sonymen qatar resmı ókil aǵymdaǵy jyly Ádilet mınıstriniń buıryǵyna sáıkes naýryz aıynda 19 tekseris júrgiziletindigin atap ótti. «Onyń ishinde «Mega Line» JShS, «Kommertsııalyq televızııalyq arna» (KTK) JShS, «Rahat - TV» JShS qyzmetterine tekserý jasaý josparlanǵan», - dedi E.Erimbet.