Ádilet mınıstrligi kontrafaktilik ónimdermen kúresti kúsheıtýi kerek - Májilis depýtaty
ASTANA. 1 qazan. QazAqparat - Ádilet mınıstrligi kontrafaktilik ónimdermen kúresti kúsheıtýi kerek. Búgin Májilistegi Úkimet saǵatynda Zańnama jáne sot-quqyqtyq reforma komıtetiniń tóraǵasy depýtat Rahmet Muqashev osylaı málim etti.
«Ádilet mınıstrliginde avtorlyq jáne aralas quqyqtardy retteý, ónerkásiptik menshik salasynda belgili bir alǵa jyljýshylyqtar barshylyq. Alaıda, biz áli kúnge deıin kontrafaktilik ónimderdiń keńinen taralýyna áli kúnge kýá bolyp júrmiz. Onyń ishinde bazarlar mańynda pırattyq aýdıo-beıneónimder áli de taralýda», - deıdi depýtat. Osyǵan oraı, Májilis depýtattary mundaı qubylystyń aldyn alý men onymen kúreste barynsha áreketti sharalardy qamtý kerek dep sanaıdy.
